Реал со кратко соопштение се прости од Азар

Еден Азар денеска соопшти дека на 33-годишна возраст ја завршува својата играчка кариера.

Азар се повлекува како легенда на Челзи, но и како најголем неуспех на Реал Мадрид, кој го донесе летото 2019 година за 115 милиони евра.

Азар за Реал одигра само 76 натпревари благодарение на серијата повреди, а постигна само седум гола и 12 асистенции. 

„Кралскиот“ клуб денес со кратко соопштение од две реченици се прости од Белгиецот.

„Реал Мадрид искажува благодарност и почит за играчот кој за четири години освои ЛШ, клупско СП, европски суперкуп, два шпански суперкупа, двапати беше шампион во Ла Лига и освои еден Куп на кралот. Му посакуваме на Еден и неговото семејство се најубаво во иднината“.