Реал Мадрид го следи талентот на Осасуна

Шпанскиот гигант Реал Мадрид го следи 17-годишниот талент на Осасуна, Кристиан Мутилва, пренесуваат шпанските медиуми.

Мутилва е роден во 2003 година и важи за еден од најголемите таленти во Шпанија, игра како дефанзивец, а „кралевите“ останале воодушевени од неговите квалитети.

Тинејџерот игра во младиот тим на Осасуна и скаутите на Реал го следат веќе подолго време, па ќе се обидат да го купат на лето.

Мутилва се уште нема запишано меч за сениорскиот тим на Осасуна, а неговиот договор истекува во јуни.

Клубот сепак има опција да го задржи за уште две сезони, но Реал може да го добие неговиот потпис за 700.000 евра, сума која нема да биде проблем за „кралевите“.