Реал Мадрид го освои Суперкупот на Европа🎥

Реал Мадрид ја оправда фаворитската улога против Ајнтрахт и го освои Суперкупот на Европа, 5-ти пат во својата историја.

„Кралевите“ заслужено стигнаа до трофејот и од самиот старт доминираа на теренот. Во првото полувреме создадоа неколку добри шанси, а до предност стигнаа преку Алаба во 41-та минута.

Ајнтрахт во второто полувреме се обиде да постигне гол, но не успеа да создаде поголеми шанси, а точка на мечот стави Бензема за конечни 2:0.

Ова за Бензема беше историски гол и го надмина Раул на вечната листа со 324 гола и сега е на второто место, а пред него е само Роналдо.