Раул: Горд сум на овие момци, да уживаме во резултатот

Селекторот на Македонија, Раул Гонзалез не го криеше задоволството од ремито против европскиот шампион Германија.

Раул истакна дека е задоволен од фактот што завршивме како првопласирани во групата и потенцираше дека е горд на своите избраници.

„Јас сум многу задоволен играчите дадоа се од себе, одигравме добар натпревар, особено кога има притисок каков што го имавме денеска. Утре ќе имаме одмор, треба да уживаме во овој резултат“, истакна Раул.

„Многу сум задоволен. Имаме три бода во втората фаза, тоа е одлично. Одиме чекор по чекор, навистина не ги знам другите резултати. Јас сум горд на овие момци како играа и како се бореа“, додаде селекторот.