Рангник откри што му е потребно на Манчестер Јунајтед

Манчестер Јунајтед продолжи со лошата серија на резултати и повторно ги разочара фановите со ремито против Саутемптон на „Олд Трафорд“.

После мечот менаџерот на „црвените ѓаволи“, Ралф Рангник призна дека тимот има потреба од нов напаѓач бидејќи се мачи со реализацијата.

„Мислам дека очигледно ни треба нов и млад напаѓач. Договорот на Кавани е до крајот на сезоната. Клуб како Манчестер јунајтед мора да има еден од најдобрите напаѓачи во свет. Тоа е јасно и мислам дека сите сме свесни“, истакна Рангник.

Приоритет на „црвените ѓаволи“ во летниот преоден рок ќе биде доведување на врвен напаѓач, а на листата желби се Хари Кејн и Ерлинг Халанд.