ПСЖ поразен после седум месеци – Еве што имаа да кажат ѕвездите од Париз

ПСЖ во саботата изненадувачки беше поразен после седум месеци во француското првенство, подобар од клубот од Париз беше тимот на Стразбур со 2:1.

„Страшно сме разочарани. Заслуживме да победиме, но тоа е фудбалот. Тешко е да се пбедува цело време. Создадовме многу прилики, доминиравме, но тие постигнаа два гола од единствени две шанси“, изјави тренерот Унаи Емери.

Бекот Дани Алвеш додаде.

„А што да се каже…Тежок ден, нема што да се објаснува. Не успеавме да постигнеме повеќе погодоци и затоа бевме казнети. Тоа се случува, едноставно некогаш мораме да бидеме подобри“, истакна Алвеш.

Прилично остар беше Хавиер Пасторе.

„Не дадовме максимум. Се трудевме, но не успеававме да постигнеме втор гол. Тие беа добри и одбраната им беше добра и ги искористија двете шанси кои ги имаат“, изјави Пасторе.