ПСЖ не запира, го „краде“ големиот талент пред носот на Јунајтед и Реал

Младиот француски репрезентативец и член на Рен, Едуардо Камавинга привлече вниманието на многу европски гиганти.

18- годишниот играч за врска веќе подолго време е на радарот на многу европски гиганти, а Рен е спремен да го пушти Камавинга за 30 милиони евра, бидејќи договорот на играчот истекува следното лето.

„Екип“ пренесува дека спортскиот директор на ПСЖ минатата недела ги започнал преговорите со Рен. Камавинга на лето влегува во последната година од договорот, па неговата цена значително се намали и „светците“ наводно понудиле 30 милиони евра.

Интерес за Французинот покажуваат уште Манчестер Јунајтед и Реал Мадрид, но во моментов ПСЖ е во пол-позиција за неговиот потпис.

PSG have accelerated talks with Rennes for the transfer of Eduardo Camavinga in recent hours. pic.twitter.com/eSpKLCdlFB

— Transfer News (@TransfersLlVE) August 23, 2021