ПСЖ добива конкурент: Уште еден француски великан станува финансиски моќен?

Француската Лига 1 за некоја година би можела да стане повозбудлива.

Доаѓањето на шеикот од Катар во ПСЖ скоро и да го „умртви“ француското првенство бидејќи Пари Сен Жермен нема вистинска конкуренција, освен исклучокот од 2017 година кога Монако ги изненади и ја освои титулата.

Сега уште еден голем француски клуб би можел да добие богати сопственици. Имено, на големо се зборува дека тимот на Сент Етјен би можеле да го превземат инвеститори од Обединетите Арпаски Емирати.

Преговорите со американските инвеститори пропаднаа во мај, а сопствениците Ролан Ромеје и Бернар Кајачо и понатаму сакаат да го продадат клубот.

Финасиската состојба во Сент Етјен во овој момент не е баш идеална. „Зелените“ практично живеат од кредити, па инвестиционата група од Емиратите би можела да ја врати стабилноста во клубот.