ПСЖ го реши случајот меѓу Кавани и Нејмар – видете кој е „победник“

Расправијата помеѓу Кавани и Нејмар ги полнеше насловните страни оваа недела, а се започна од тоа кој ќе го изведе пеналот на дуелот со Лион.

Кавани се избори да го изведе пеналот, а тоа го налути Бразилецот па некои медиуми пишуваа дека дури и побарал да биде продаден Уругваецот во јануарскиот преоден рок.

Меѓутоа, првиот човек на ПСЖ, Насер ал Келаифи заедно со тренерот Унаи Емери имаа разговор со фудбалерите, па проблемото е решен.

Донесена е конечна одлука кој ќе ги изведува пеналите. Кавани останува прв изведувач, додека Нејмар шансата ќе ја чека кога Уругваецот ќе го нема во тимот.

Медиумите ова го протолкуваа како победа на Кавани, па прашање е како егото Нејмар ќе го поднесе тоа.