Пристигна потврда: Заза е играч на Милан

Италијанските медиуми потврдија дека Милан и Валенсија постигнале договор за трансфер на напаѓачот Симоне Заза.

Уште вчера медиумите на Апенините информираа дека Заза постигнал договор со „росонерите“, а денес таа информациај ја потврди неговиот агент Бепе Боцо.

Денес Милан постигна договори и со Валенсија, а трансферот ќе чини вкупно 20 милиони евра. „Росонерите“ ќе платат 2 милиони евра за едногодишна позајмица со задоволжителен откуп следното лето за додатни 18 милиони евра.

Заза ќе потпише 4-годишен договор со миланскиот клуб каде ќе заработува 2,5 милиони евра по сезона и ќе биде замена за Никола Калиниќ, кој е пред трансфер во Атлетико Мадрид исто така за 20 милиони евра.