Пристигна понуда за „Супер Марио“

Марио Балотели и понатаму е во неизвесност, ќе биде ли во составот на Ница и наредната сезона.

Оваа сезона Марио е еден од подобрите фудбалери на Ница, успеа да постигне 17 погодоци и му помогна на францускиот клуб да обезбеди настап во Лигата на шампионите.

Сепак, прашање е дали Балотели ќе остане во овој тим и наредната сезона. Интерес за него постои, а најголемиот доаѓа од Сампдорија, која беше заинтересирана да го доведе Балотели и пред почетокот на оваа сезона.

Причината за новиот интерес може да се побара во потенцијалното заминување на Патрик Шик во Јувентус и желбата на Луис Муриел да премине во посилен клуб.

Мино Раиолa веќе бил контактиран, останува да видиме што ќе одлучи Италијанецот.