Кинеската компанија „Сунинг“ веднаш ја демантираше веста која утрово ја пласираа италијанските медиуми дека акциите на Интер се на продажба.
„Сунинг“ е сопственик на 68,55% од акциите на италијанскиот гигант. Претходно се објави дека од компанијата се незадоволни поради проблемите на клубот со финансискиот ферплеј и неучеството на тимот во евротурнирите во оваа сезона.
Учиме по најтешкиот пат: Со едукација за заштита и спасување до спречување на трагедии! ↓↓↓
„Кориере дела Сера“ тврди дека овие два фактори ги натерало сопствениците да ги продадат своите акции за 600 милиони евра, меѓутоа веднаш пристигна демант од Кина.
„Ние не ги гледаме објавените „приказни“ на странските медиуми. Фокусирани сме само на првенството“, изјавија од компанијата.
Интер во моментов води битка со Рома, Лацио и Милан за место во Топ 4 на крајот на сезоната, односно директно учество во Лигата на шампиони.
Учество во игри на среќа е дозволено за лица со 18+ години. Играј одговорно!