Првиот тенисер кој призна дека е геј доби жестока казна

Максан Бровил во светот на тенисот стана познат пред две години кога јавно објави дека е хомосексуалеци  дека е во врска со друг француски тенисер Фабиен Ребул.

Бровил на социјалните мрежжи објави заедничка фотографија како се бакнуваат, а денеска му беше соопштено дека е суспендиран на седум години.

Меѓународната агенција за тениски интегритет ИТИА потврди дека е суспендиран поради местење натпревари, исто така ќе мора да плати казна од 5.000 долари за одбивање да соработува во истрагата.

Најдобриот пласман кој го имаше во кариерата е 708. место на АТП листата, а по обвинението дека одбил да ги предаде своите електронски уреди му било соопштено дека е суспендиран до 19-ти јуни 2030 година, бидејќи му се брои времето од кога доби забрана за играње.