Прва тренерска смена сезонава во Ла Лига

Падна првата тренерска смена за оваа сезона во шпанската Ла Лига. По вчерашниот пораз од Рајо Ваљекано на Столе Димитриевски Елче го отпушти тренерот Франциско Родригез.

Со овој пораз тимот остана на последната позиција на табелата со само еден освоен бод во седум натпревари, па затоа тренерската смена и беше очекувана после таквите резултати.

На клупата на Елче Франциско дојде минатата сезона и успеа да го одведе тимот до опстанок во шпанската елита, меѓутоа сезонава работите не одеа во посакуваната насока.