Потег кој не би го направил секој: Робињо се врати во Сантос и ќе игра за минимална плата

Поранешната бразилска ѕвезда Робињо низ кариерата го носеше дресот на повеќе европски гиганти, а сега се врати на онаму каде што започна.

36 годишниот напаѓач се врати во неговиот Сантос и во овој клуб ќе игра пред се од љубов затоа што според договорот тој ќе добива 271 долар месечно или 14.000 денари. Јасно е дека Робињо во едно вакво време и со неговите години можеше да оди на друго место и да добива далеку поголема плата, но тој покажа желба да игра како што самиот кажа во неговиот дом.

„Сантос е мојот дом, сакам да му помагнам и на теренот и надвор од него. Клубот минува низ еден тежок финансиски период. Затоа се вратив и ќе играм за минимална плата, парите во овој момент не ми се важни, најважно ми е да бидам туку за мојот клуб“, изјави Робињо.

Робињо дресот на Сантос го носеше од 2002 до 2005, а потоа и во 2010 како позајмен играч. Во кариерата играше уште за: Реал Мадрид, Милан, Манчестер Сити, Башакешир, Атлетико Минеиро…