После убедливата победа против Ајакс важен потпис во Наполи

Голманот на Наполи, Алекс Мерет го продолжи договорот со клубот до 2024 година, соопшти италијанскиот тим.

Неговиот договор истекуваше на крајот од оваа сезона, а според новиот договор Наполи ќе има опција да ја продолжи соработката на уште една година.

Мерет во кариерата настапуваше за Удинезе и Спал, а 25-годишниот фудбалер забележа два настапи за италијанската репрезентација.

По осум кола Наполи е лидер во Серија А со 20 бодови, а исто толку бодови има и второпласираната Аталанта.