Покетино после првиот трофеј: Ова е само почеток!

Маурисио Покетино на почетокот на оваа година и официјално беше назначен за нов тренер на ПСЖ, а после само три меча го освои првиот трофеј.

ПСЖ го освои францускиот Суперкуп, откако синоќа славеше против Олимпик Марсеј со 2-1.

„Извојувавме многу важна победа. Трофејот е чест за клубот и навивачите. Тимот полека почнува да го прави она што го барам од него. Јас тренирам со ПСЖ скоро две недели, работиме многу. Ова е само почетокот“.

„Ние веруваме дека со текот на времето ќе можеме да ги зајакнеме нашите идеи и напредок. Сакам да се заблагодарам на управата на клубот, фудбалерите и мојот претходник, Томас Тухел, заедно со неговиот тренерски штаб. Благодарение на овие луѓе, имавме шанса да го освоиме Суперкупот“, изјави Покетино.