Повеќе нема дилема: Бензема е во списокот за Европско првенство

Голгетерот на Реал Мадрид, Карим Бензема со сигурност ќе биде во списокот од 26 фудбалери кои селекторот Дидие Дешамп ќе го објави вечерва.

Уште синоќа се појавија инфорнации дека Бензема може да биде повикан во француската репрезентација, но сега и „Екип“ потврди дека напаѓачот се враќа после 5-годишно отсуство.

Бензема ќе игра на ЕП со дрес број 19, а тој не е дел од француската репрезентација од 2015 година. Причина за тоа е што беше казнет поради сканалот со изнудување пари од соиграчот Валбуена поради едно интимно видео.

Дешамп не случајно го повикува Бензема, туку него го гледа во стартниот тим заедно со Мбапе и Гризман во нападот.