Победа останува во првата лига!

Денес беше одигран финалниот плеј-оф натпревар помеѓу екипите на Победа и Борец.

Победа по завршувањето на сезоната се најде на позиција која ја однесе во плеј-офот каде што на крајот сепак успеа да го сочува прволигашкиот статус. На денешната средба славеа против Борец со 2:1.

Иван Ивановиќ ја доведе Победа до водство од 1:0 во осмата минута од натпреварот, а веќе после половина час игра Победа стигна до солиден резултат од 2:0, стрелец на голот беше 22 годишниот Велковски Виктор.

Веќе тука беше јасно дека Победа е на чекор од задржување на прволигашкиот статус.

Втроиот дел не донесе преголеми возбудвања, Борец успеа само да го ублажи поразот со голот Андреј Кудијан. Во финишот од натпреварот видовме и две исклучувања по едно и на двете страни, во редовите на клубот од Велес беше исклучен стрелецот на голот Кудијан.

Да потсетиме, Борец место во финалето од плеј-офот обезбеди победувајќи го Гостивар.