Планот на Реал Мадрид: Само продажба, нема позајмици

Реал Мадрид ќе ја промени политиката ова лето кога се во прашање излезните трансфери, открива „Марка“.

Реал ќе стави на продажба неколку фудбалери и ќе ја прекине традицијата за давање на позајмица. „Марка“ пренесува дека „кралевите“ се одлучиле на ваков чекор за да добијат што е можно повеќе пари за нови трансфери.

Реал сака да ги продаде сите фудбалери кои моментално се на позајмица како Одегард и Себањос (Арсенал), Лука Јовиќ (Ајнтрахт), Брахим Дијаз (Милан), Хесус Ваљехо (Гранада) и Таке Кубо (Гетафе).

Притоа на продажба ќе бидат ставени Иско и Герет Бејл, од чии високи плати клубот очекува да заработи значителна сума.

„Марка“ пренесува дека Реал собира пари бидејќи ова лето сака да направи големи трансфери, а примарна цел е Килијан Мбапе.