Пике се потсети на големата победа, Касиљас го „закопа“

На денешен ден пред 11 години Барселона оствари незаборавна победа на Сантијаго Бернабеу. Реал Мадрид беше понижен со резултат 2:6.

Тогаш дресот на Барса како и денеска го носеше Пике. Дефанзивецот беше и стрелец на еден од головите. Тој во 82. минута го матираше Касиљас и го постави конечниот резултат.

Пике на големиот триумф се потсети на Твитер. Годишницата ја прослави со објава од својот погодок и напиша: „11 години!“ Меѓутоа, Касиљас не остана должен.

Легендарниот голман на Кралевите на Пике му одговори со порака „11+2=13“, алудирајќи на 13. освоени титули на Реал Мадрид во ЛШ. Бројка со која не може да се пофали ниту еден европски клуб.

11+2 = 13 https://t.co/XtvtwMHNFI

— Iker Casillas (@IkerCasillas) May 2, 2020