Паулињо потврди за понудата од Барса, но убаво му било во Кина

Барзилскиот репрезентативец и играч на кинескиот Гвангжу Евергранде, Паулињо потврди дека има понуда од Барселона.

Во последните денови шпанските медиуми пренесоа дека Барселона се интересира за Паулињо поради потешкотиите да дојде до потписот на Марко Верати.

„Да, имаше контакти помеѓу Барса и мојот агент. Вистина е дека има понуда, преговараме. Во моментов се наоѓам во прекрасен период од животот, како личен така и на професионален план, па поради тоа тешко ми е да се одлучам“, изјави Паулињо.

„Има многу фактори кои треба да ги разгледам пред да донесам конечна одлука. Многу ми е убаво во Кина, сопругата многу го сака овој град. Ќе видиме што ќе се случи“,додаде 29-годишниот Бразилец.