Лидерот на табелата во англиската Премиер лига, екипата на Челзи забележа очекувана победа над составот на Борнмут во натпревар од 32.коло, последен од денешната програма.
„Сините“ од Лондон на гостински терен славеа триумф со 3-1, а серијата на голови ја започна домашниот играч Анам Смит со автоголот во 17.минута, за три минути подоцна Еден Азар да зголеми на 2-0. До крајот на првиот дел домаќините намалија преку Џошуа Кинг (42), но Маркос Алонсо со погодокот во 68.минута ги постави конечните 3-1 за Челзи.
Како започна приказната со Goblin Games - од гаража до бренд! ↓↓↓
Попладнево се одиграат и средбите: Тотенхем – Ватфорд 4-0, Стоук – Ливерпул 1-2, Вест Хем – Свонси 0-1, ВБА – Саутемптон 0-1, Мидлсборо – Барнли 0-0 и Манчестер Сити – Хал 2-1.
Утре се среќаваат, Сандерленд – Манчестер Јунајтед и Евертон – Лестер, а колото ќе биде комплетирано во понеделник со средбата Кристал Палас – Арсенал.
Табела: Челзи 75 бода, Тотенхем 68, Ливерпул 63, Манчестер Сити 61, Арсенал 54, Манчестер Јунајтед 54, Евертон 51.
Учество во игри на среќа е дозволено за лица со 18+ години. Играј одговорно!