ОФИЦИЈАЛНО: Сари е новиот предводник на Челзи (ВИДЕО)

Антонио Конте и официјално го доби својот наследник.

Долго траеше сагата околку неговиот ангажман, а сега конечно пристигна.

Маурисио Сари е новиот тренер на Челзи, обелоденија и на официјалниот сајт на клубот.

Управата на лондонскиот клуб оддамна покажа интерес за 59-годишниот Италијанец и покрај фактот дека на клупата го имаат Конте.

Наполи правеше проблеми, Де Лаурентис не сакаше да ја раскине соработката со Сари, иако го ангажираше Анчелоти, од друга страна, Челзи не сакаше да му исплати 11 милиони евра на Конте на име на последниот договор односно последната година од истиот.

На крајот беше пронајдено решение, Челзи го откупи Жоржињо од Наполи, во пакет пристигна и Сари, Конте доби отказ пораади СМС кој своевремено ја испратил до Диего Коста, „Плавите“ не сакаат да ја исплатат споменатата сума, веруваат дека со таа порака ќе добијат на суд, доколку Италијанецот ги тужи.

Како и да е, сето тоа е сега минато, со оглед на тоа дека Сари потпиша тригодишен договор со „Плавите“.

Maurizio Sarri is the new Chelsea head coach!

Full story: https://t.co/qQwb5xZT3f#WelcomeSarri pic.twitter.com/DCNfoVCoz6

— Chelsea FC (@ChelseaFC) July 14, 2018