Официјално: Марк Бартра е нов фудбалер на Бетис

Шпанскиот фудбалер, Марк Бартра е нов фудбалер на Реал Бетис. Бартра од летото 2016. година е член на Дортмунд, но во последно време не играше многу и одлучи дресот на германската екипа да го замени со дресот на Бетис.

Ова за Бартра е враќање во Ла Лига, откако претходно ги бранеше боите на Барселона. Трансферот од Дортмунд во Бетис е вреден 10 милиони евра.

Со новиот клуб овој дефанзивен фудбалер потпиша договор до летото 2023. година. Да потсетиме, тој во текот на оваа сезона одигра вкупно 20 натпревари за Дортмунд и постигна четири погодоци и запиша една асистенција.