Официјално: Варан потпиша за клубот на Сеск Фабрегас

Францускиот стопер Рафаел Варан (31) официјално е претставен како нов играч на новиот италијански прволигаш Комо.

Варан летово го напушти англискиот гигант Манчестер Јунајтед и оттогаш е во потрага по нов клуб. Во Комо пристигна како слободен играч без обештетување.

Според информациите на Фабрицио Романо, Варан се согласил да дојде во Комо и одбил побогати понуди од Саудиска Арабија.

Причината е што сака да игра под водство на шпанскиот тренер Сеск Фабрегас, кој играчката кариера ја заврши во Комо, а потоа седна на клупата.