Официјално: Боатенг се пресели во „фенерџијата“ во Серија А

Искусниот Жером Боатенг и официјално е нов фудбалер на италијанска Салернитана со што се исполнија најавите од претходните денови.

Поранешниот фудбалер на Баерн и Манчестер Сити по епизодата во Лион пристигнува во последнопласираниот тим во Серија А со цел да му помогне во битката за опстанок.

Боатенг зад себе има богата кариера во која настапуваше за Манчестер Сити, Хамбургер, Лион и Баерн Минхен каде што остави најдлабока трага.

Долго време беше и репрезентативец на Германија и за оваа селекција одигра 76 натпревари. Најголемиот успех со репрезентацијата го направи во 2014 година кога го освои Светското првенство.