Официјално: Бејтулаи има нов клуб!

Македонскиот репрезентативен стопер Егзон Бејтулаи денес потпиша тригодишен договор со шведски Хелсингборг.

Бејтулаи потпиша договор на три години со петкратниот шведски шампион, откако ги помина медицинските прегледи.

„Среќен сум бидејќи започнувам нова авантура во мојата кариера. Воодушевен што сум член на на овој клуб. Почуствував дека дојде време за нов чекор во кариерата. Со Хелсингборг брзо се договоривме, едвај чекам да започнам со тренинзите и натпреварите. Ќе дадам се од себе за исполнување на целите на клубот“, изјави Бејтулаи на претставувањето.

За Бејтулаи ова ќе биде прв клуб надвор од границите на нашата држава после шест ипол години поминати во Шкендија.