Mилевски дополнително го повика Бејтулаи за Грузија и Бугарија

Mакедонија денес го има собирот пред двата натпревари од Лигата на Нации против Грузија (23. септември) и Бугарија (26. септември), а пред овие два натпревари селекторот Милевски се соочува со многу проблеми.

Капитенот Стефан Ристовски кого селекторот Благоја Милевски на последната прес-конференција го издвои како еден од малкумината репрезентативци со добра и натпреварувачка форма се повреди.

Милевски така се соочува со проблеми пред овие средби. Од претходно е потврдена повредата на Дарко Чурлинов, Тихомир Костадинов подолго време е надвор од терените, а отпадна и Валон Етеми.

Поради проблемите со повреди во репрезентацијата за овие две средби повик дополнително доби дефанзивецот на Шкендија, Егзон Бејтулаи.