Официјално: Баерн го сруши клупскиот рекорд – пристигнува светскиот шампион!

Она што се најавуваше сега доби и официјална потврда – Лукас Хернандез на лето се сели во Баерн Минхен!

Долго време се шпекулираше во последните недели, се појавија информации дека Баерн и Атлетико постигнале договор за Лукас Ернандез, а сега се е и официјализирано.

Имено, Баерн Минхен на својот сајт потврди дека го откупува договорот на францускиот репрезентативец за 80 милиони евра, што е клупски рекорд за гигантот од Минхен.

?⚪ Der #FCBayern verpflichtet @LucasHernandez! Der 23-jährige Weltmeister erhält einen Fünfjahresvertrag bis zum 30.6.2024. ? #MiaSanMia #ServusLucashttps://t.co/qCAKokRUgK

— FC Bayern München (@FCBayern) March 27, 2019

Ернандез во Минхен ќе пристигне на 1-ви јули, а со Баерн е обврза на верност до 30 јуни 2024 година. Лекарските прегледи не поминале во најдобар ред бидејќи било откриено дека Ернандез има проблем со десното колено и дека тој проблем ќе мора да се решава со хируршки зафат.

На крајот таквите проблеми биле надминати. Клупскиот докторт на Баерн, Мулер-Волфарт тврди дека и покрај хируршкиот зафат, Ернандез ќе биде спремен да ја започне наредната сезона во Баерн.

Ернандез има 23 години и за Атлетико Мадрид настапува од 2007 година, а во првиот тим собра 110 настап од сезоната 2014/2015 кога потпиша професионален договор.

Иако има 23 години Ернандез зад себе има финале во Лигата на шампионите во 2016 година, две години подоцна ја освои Лигата на Европа со Атлетико, а круна на неговата кариера беше светската титула до која стигна со селекцијата на Франција изминатото лето на Мундијалот во Русија.