ОВА Е КЛУЧОТ НА УСПЕХОТ: Мане откри што Клоп бара од нив

Ливерпул во Лигата на Шампионите заедно со Рома е големо изненадување, а во последно време „Црвените“ формата ја пренесуваат и во Премиер лигата, па Мане откри што од нив бара Јирген Клоп.

Германецот направи одличен потег со трансферот на Салах минатата година, па така прво беше совладан Манчестер Сити (3:0, 2:1), а потоа и Борнамут 3:0. Мане објасни дека за тоа можат да му се заблагодараат на тренерот Клоп кој постојано ги мотивира.

„Пред натрпеварот Клоп ни рече дека мораме да го покажеме квалитетот и да бидеме агресивни, бидејќи секој натпревар е важен. По Сити мора да се концентрирате повеќе, бидејќи знаете што може да се случи во спротива. Тој се обиде да не мотивира како и обично и на крајот тоа се покажа како добар потег, секој беше на вистинско место во вистинско време“, изјави Мане.

Ливерпул по 34 одиграни натпревари е трет на табелата во Премиер лигата, Салах ја игра сезоната на животот, а слично е и со Мане кој заедно со Фирмино и Чемберлен го комплетираат застрашувачкиот напад на тимот на Клоп.