Нови мерки во Шпанија во борбата против расизмот: Полицијата ќе може да прекинува натпревари

Властите во Шпанија најавија дека полицијата ќе има дозвола да ги прекинува фудбалските натпревари ако се случува изразита форма на расизам.

Бурни реакции во Шпанија предизвика случајот во кој Винисиус беше расистички навредуван во натпреварот против Валенсија на „Местаља“ кон крајот на мај.

Медиумот „Ел Паис“ објави дека Министерството за внатрешни работи подготвила упатство со кое се зајакнува улогата на полициските службеници на натпреварите. Од новата сезона тие ќе имаат овластување и да го прекинат натпреварот ако е тоа потребно.

Се напоменува дека полицијата на стадионот ќе може да се обрати до судијата и од него да побара трајно или привремено прекинување на натпреварот.