Нов проблем за Анчелоти: Се повреди уште еден фудбалер

Реал Мадрид во последниот период се соочува со многу проблеми со повреди, а вчера против Лајпциг се повреди уште еден фудбалер.

На десетина минути пред крајот се повреди стрелецот на победничкиот гол, Брахим Дијаз. На Дијаз му беше укажана лекарска помош, а потоа мораше да го напушти теренот со помош на лицата од медицискиот тим.

Како што можеше да се забележи станува збор за повреда на листот на ногата. Дијаз подоцна во изјава за шпанските медиуми истакна дека не станува збор за потешка повреда, меѓутоа најверојатно ќе мора да паузира одреден период.