Ништо од Сари: Челзи тргнува по Лоран Блан

Англиските медиуми пренесуваат дека настанало пресврт во преговорите и сега во пол позиција за клупата на Челзи е францускиот стратег Лоран Блан.

Познато е дека Маурицио Сари беше првиот избор на раководството на „сините“, но преговорите не течат во вистински правец.

Имено, Италијанецот се уште е под договор со Наполи, кој бара да биде платена откупната клаузула за да го ослободи. Меѓутоа, раководството на Челзи не сака да ги плати бараните 8 милиони евра.

Поради тоа, англиските медиуми тврдат дека сега „сините“ се насочиле кон Лоран Блан. Екс тренерот на ПСЖ и француската репрезентација е слободен агент, па се очекува двете страни брзо да ја договорат соработката.