Нејмар го убедува Меси да се пресели во ПСЖ

Лионел Меси е главна тема во медиумите откако официјално побара раскин на договорот со Барселона.

Меси смета дека неговиот циклус во Барселона е завршен и сака ова лето да ја промени средината, а интерес за него покажуваат Манчестер Сити, Интер и ПСЖ.

Медиумите тврдат дека Сити е во пол-позиција за неговиот потпис, но неговиот пријател Нејмар го убедува Меси да му се придружи во Пари Сент Жермен.

ЕСПН тврди дека Нејмар телефонски разговарал со својот поранешен соиграч и му порачал дека сака повторно да играат заедно. 

„Притисок“ врз Меси за да се пресели во ПСЖ вршел и неговиот добар пријател и соиграч од репрезентацијата Анхел Ди Марија, кој имал телефонски разговор со капитенот на Барса.

ПСЖ летово го напуштија неколку ѕвезди, па „светците“ ќе имаат буџет за неговата плата, доколку Меси го раскине договорот со Барселона.

Neymar talked to Messi over the phone on Thursday about the possibility of the Barcelona captain joining PSG, sources have told @LaurensJulien: https://t.co/xpWYylQcBG pic.twitter.com/NPSbxkqpUY

— ESPN FC (@ESPNFC) August 28, 2020