Несторовски за Трајковски: Се познаваме долго време, наскоро ќе блесне и во Палермо

Како што е добро познато двајцата македонски репрезентативци Илија Несторовски и Александар Трајковски го носат дресот на Палермо, Несторовски кој е и капитен на овој тим зборуваше за својот колега и пријател.

Несторовоски во последните шест натпревари за Палермо постигна четири погодоци.

„Трајковски е одличен фудбалер се познаваме долго време, во дресот на Македонија одигра неколку фантастични натпревари, додека тука во Палермо нема континуитет кој сметам дека е навистина важен. Но, сепак сигурен сум дека наскоро формата од репрезентацијата ќе ја пренесе и тука во Палермо“, изјави Несторовски.

Да потсетиме, Трајковски на последните квалификациски натпревари постигна два погодоци, по еден против Италија и Лихтенштајн.