Неверојатниот Баерн постави нов рекорд во Бундеслигата!

Минхенски Баерн тешко дека и оваа година ќе има сериозен конкурент во борбата за титулата во Бундеслигата.

Освен што освојува трофеи, Баерн руши рекорди од сезона во сезона. Во натпреварот против Келн, кој се одигра во недела, Баварците поставија нов рекорд во Бундеслигата.

Имено, со голот на Роберт Левандовски за 1:0 стигнаа до 74. натпревар во низа во кој постигнале барем еден погодок.

Никогаш претходно ниедна екипа во Бундеслигата не успеала на толку натпревари да постигне барем по еден погодок.