Надал сруши рекорд на Федерер

Шпанскиот тенисер Рафаел Надал ја оставари рекордната 379. победа на турнирите од Мастерс 1000 серијата.

Надал е сега на самиот врв по бројот на победи на Мастересите. До сега првото место го делеше со Роџер Федерер. Легендарниот Шпанец до 379. победа стигна синоќа во натпреварот од осмина финалето на турнирот во Монтреал победувајќи го Аргентинецот Гвидо Пела со 6:3, 6:4.

Надал е и рекордер по бројот на освоени турнири од Мастерс 1000 серијата, има 34 титули. По него се Новак Ѓоковиќ со 33 и Роџер Федерер со 28 титули.