Мурињо правел се за Манчестер Јунајтед да го избрка!?

Додека Мурињо беше во Манчестер Јунајтед Пол Сколс беше еден од неговите најжестоки критичари.

Мурињо во Манчестер Јунајтед заработи отказ пред околу еден месец, него го наследи Оле Гунар Солскјер и од тој момент „црвените ѓаволи“ како да се препородија и имаат шест победи во низа.

Сега Сколс тврди дека Мурињо и посакувал да добие отказ во Манчестер Јунајтед.

„Ако мене ме прашувате, мислам дека Мурињо не ни сакаше остане. Убеден сум дека се направи за намерно да добие отказ и така да си ја наплати големата оштета од договорот“, изјави Сколс, кој потоа и изнесе според него факти.

„Прес-конференциите му беа толку срамни и негативни. Цел свет знаеше дека е непосакуван во соблекувалната. Најмногу бев зачуден кога слушнав дека се скарал со Антонио Валенсија. Тој е еден од најмирните фудбалери кои ги познавам. Со него играв повеќе години и да се скараш со Антонио Валенсија ми изгледаше како нешто најтешко во светот“, смета легендарниот фудбалер на Манчестер Јунајтед.