Мурињо победи па се пожали: Го добивме најтешкиот можен распоред

Манчестер Јунајтед во вчерашниот натпревар на „Гудисон“ го надигра Евертон  со 2:0, иако во натпреварот влезе значитело ослабен.

Менаџерот на „црвените ѓаволи“ Жозе Мурињо беше задоволен од изданието на своите избраници, а посебно го пофали пристапот на фудбалерите, но и го истакна тешкиот распоред.

„Се беше на највисоко ниво, одигравме одлично, иако ова е веројатно најлошиот распоред кои можевме да го добиеме“, изјави Португалецот па продолжи:

„Евертон имаше игра само пет, можеби осум минути. Останатиот период ние го контролиравме натпреварот. Посебно одличен беше Лингард“, зборуваше „Специјалниот“.

Стрелци за англискиот беа Марсијал и токму Лингард, а Јунајтед во овој момент се наоѓа на третата позиција зад Манчестер Сити и Челзи.