Моис Кин се враќа во Италија и тоа во големиот ривал на Јувентус

Моис Кин важи за еден од најголемите италијански таленти, а минатото лето од Јувентус се пресели во Евертон за 30 милиони евра.

Младиот Италијанец се уште нема постигнато гол за „карамелите“, а веќе во јануари би можел да се врати во Серија А. Менаџерот на Евертон, Марко Силва не го повика Италијанецот на последниот меч поради недисциплина, а претходно на два меча седеше на клупата.

Тоа воопшто не му се допаѓа на неговиот менаџер Мино Раиола, кој сака Кин да има поголема минутажа и сака да го врати во Серија А, а Евертон нема ништо против да го пушти младиот напаѓач.

Имено, италијанските медиуми пренесуваат дека Раиола му го понудил Кин на Милан, кој е сериозно заинтересиран за 19-годишниот Италијанец.

Милан има проблем со реализацијата оваа сезона и е спремен да го доведе Кин на позајмица до крајот на сезоната со право на откуп следното лето.

Кин минатата сезона одигра 17 меча за Јувентус на кои постигна 7 гола.