Модриќ почна преговори со Ал-Наср

Хрватскиот репрезентативец Лука Модриќ прерасна во вистинска легенда на „кралскиот“ клуб, но неговиот договор со Реал истекува на крајот на сезоната.

Се уште е неизвесна иднината на 37-годишниот плејмејкер, но се поверојатно е дека на крајот на сезоната Модриќ ќе го напушти Реал Мадрид.

Не е исклучено Модриќ да го продолжи договорот на уште една сезона, но во трката по потписот на Хрватот се вклучуваат и клубови од Саудиска Арабија и од Катар со богати понуди.

Најсериозен е Ал-Наср, кој веќе започнал преговори со Лука Модриќ, а и самиот Роналдо го убедува Модриќ да ја прифати понудата и да му се придружи во Саудиска Арабија.