Модриќ нема дилеми кој треба да ја освои „Златната топка“

Реал Мадрид вчера славеше против Барселона со 3:1 во „Ел Класико“, а повторно одличен на теренот беше Карим Бензема кој го постигна првиот гол на натпреварот.

Иако не постигна гол повторно на висина на задачата во редовите на Реал Мадрид беше Хрватот Лука Модриќ кој испрати пофалби до својот соиграч. Карим Бензема е еден од главните фаворити за „Златната топка“, а Модриќ нема сомневање дека Французинот треба да ја добие оваа награда.

„Задоволни сме од победата и начинот на кој одигравме. Иако Барселона во некои периоди беше подбра на теренот. Среќен сум, а сите знаеме што ќе се случи кога Карим е со нас на теренот. За се што направи минатата сезона ја заслужува „Златната топка““, изјави Модриќ.