Модриќ го воодушеви фудбалскиот свет со една порака!

Лука Модриќ до синоќа беше актуелен освојувач на „Златната топка“, а вчера му ја предаде на својот голем ривал Лионел Меси.

Модриќ иако оваа година не беше ни меѓу 30-те номинирани, дојде на гала-церемонијата и лично му ја предаде наградата на Меси.

Притоа, ја покажа својата човечка големина и одржа фудбалска лекција за тоа како треба да се однесуваат ѕвездите и во ситуација кога не победуваат.

„Во спортот и фудбалот не е се во победувањето, има нешто и во покажувањето респект кон соиграчите и ривалите“, напиша Модриќ на социјалните мрежи.

Ваквата порака го воодушеви фудбалскиот свет, а на неа реагираше и фудбалскиот клуб Барселона која му даде аплауз со коментар „Вистински џентлмен“.

?A true gentleman, @lukamodric10. #FairPlay #BallonDor https://t.co/VvcfERd30z

— FC Barcelona (@FCBarcelona) December 2, 2019