Младата ѕвезда на Реал се сели во Серија А

Реал Мадрид во летниот преоден рок ја победи конкуренцијата за турскиот талент, Арда Гулер од Фенербахче.

Неколку европски гиганти беа силно заинтересирани за „турскиот Меси“, а на крајот Реал ја доби битката за потписот и за 22 милиони евра го донесе во Мадрид.

Меѓутоа, 18-годишниот фудбалер ја пропушти почетокот на сезоната поради повреда, а сега не може да се избори со кокуренцијата.

Во Ла Лига одигра само 22 минути, а интерес за него покажува Милан и сака да го доведе на лето на „Сан Сиро“.

Милан го сака на двегодишна позајмица со право на откуп, по принципот на Брахим Дијаз, а Реал е спремен да го пушти ако во договорот биде ставена бајбек клаузула.