Миовски: Нема што да загубиме против Германија!

Бојан Миовски дебитираше за македонската репрезентација во триумфот од 4-0 против Лихтенштајн во Вадус.

Миовски се надева дека ќе ги оправда очекувањата од селекторот Благоја Милевски, а воедно се надева и на добар резултат против Германија во Скопје.

„Знаевме дека ќе биде полесно по првиот гол во мрежата на Лихтенштајн. Мислам дека имаме одлична екипа која е спој од младост и искусни фудбалери. Чест ми е што дебитирав за репрезентацијата. Не се плашиме од Германија затоа што нема што да загубиме. Тие се силна репрезентација, но знаат што може да очекуваат во Скопје“, вели Миовски.