„Милионерите“ категорични: Дембеле останува во Дортмунд!

Спортскиот директор на Борусија Дортмунд, Михаел Цорк изјави дека младата ѕвезда Осман Дембеле сигурно ќе остане во клубот и следната сезона.

20-годишниот француски репрезентативец блесна во својата прва сезона во Бундес лигата и на 48 меча постигна 10 гола и запиша 21 асистенција, па го привлече вниманието на многу европски гиганти, пред се на Барселона.

Каталонските медиуми изминатите денови шпекулираа дека Барселона испратила понуда од 50 милиони евра, но истата експресно била одбиена.

„Нема никакви преговори. Дембеле ќе игра за Борусија и следната сезона, тоа е сигурно“, категоричен беше Цорк.