Милан тргнува по Иско

Примарна цел на Милан во летниот преоден рок ќе биде плејмејкерот на Реал Мадрид, Иско, пренесува „Газета дело Спорт“.

Милан е во потрага по наследник на Чалханоглу, па иако се споменуваат многу имиња, сепак главна мета е токму Иско.

Иско минатата сезона не добиваше голема минутажа кај Зидан, а изгледа дека работите нема да се променат со доаѓањето на Анчелоти.

Поради тоа Шпанецот е спремен да ја промени средината, а Милан сака да ја искористи ситуацијата и веќе стапил во контакт со неговиот агент.

Иско влезе во последната година од договорот и Реал е спремен да го продаде, а со оглед на одличните односи помеѓу двата клуба се очекува брзо да најдат заеднички јазик.

🚨| AC Milan have set their sights on Isco who could leave Real Madrid this summer.@Gazzetta_it [🥈]

— Madrid Xtra. (@MadridXtra) July 4, 2021