Милан спреми понуда за ѕвездата на Реал Мадрид

Реал Мадрид бил спремен да го продаде Марко Асенсио во летниот преоден рок, но играчот ги одбил сите понуди.

Асенсио остана во Мадрид, но јасно е дека со доаѓањето на Мбапе неговата минутажа додатно ќе се намали, па сега и самиот е спремен да ја промени средината.

Најсилен интерес за Шпанецот покажува Милан, кој наводно уште во летниот преоден рок преговарал со Реал за негов трансфер.

Шпанските медиуми пренесуваат дека „росонерите“ испратиле понуда од 35 милиони евра и го сакаат Асенсио во јануари.

Сега Асенсио сериозно размислува да ја прифати понудата на „росонерите“, но останува да видиме дали трансферот ќе се реализира сега или по завршување на сезоната.