Милан е еден од најактивните клубови во летниот преоден рок. До сега „росонерите“ донесоа четири засилувања за кои потрошија околу 100 милиони евра, но и понатаму трагаат по напаѓач од екстра класа.
Италијанските медиуми пренесуваат дека Милан не се откажува од Андреа Белоти и покрај фактот што веќе го добедоа Андре Силва, па повторно седнале на преговарачка маса со Торино.
Учиме по најтешкиот пат: Со едукација за заштита и спасување до спречување на трагедии! ↓↓↓
Имено, вчера раководството на Милан имаше средба со спортскиот директор на Торино, Петраки и му презентираше „непристојна“ понуда за „Петелот“.
На состанокот, Фасоне и Мирабели го известиле својот колега Петраки дека Милан е подготвен да плати 80 милиони евра за Андреа Белоти, сума која е блиску до откупната клаузула од 100 милиони евра која важи само за клубови од странство.
Планот на „росонерите“ е да го донесат „Петелот“ на позајмица за која ќе платат 20 милиони евра веднаш, а следното лето да бидат обврзани во целост да го купат напаѓачот за додатни 60 милиони евра.
Белоти е навивач на Милан и сонува за преселба на „Сан Сиро“, па тоа е адут на „росонерите“ во преговорите бидејќи самиот играч инсистира да го облече црвено-црниот дрес.
Учество во игри на среќа е дозволено за лица со 18+ години. Играј одговорно!